PABLO MUÑOZ REGADERA

EL TORNO

EH UN'ARQUINA

(De su libro, "El Tío Floro")

Eh un'arquina,
gualda un tesoru
que quieri ehcapalsi
a vivil a toah partih
y yenal caracolih con airi.

Ayí, pol rinconih mu jonduh,
ondi lah perlah relucin
y mahtican luh ecuh de lah vocih,
el tiempu ehgrana quemorih.

Esi arquina
de lah muehtrah carabah
que se jabri
y se vielti rehfalandu
sonih y paliquih
y jablarih viejuh
en luh corazonih nuevuh.

Esi arquina
que guarda luhsonih,
luh ecuh,
lah vocih, luh sueñuh,
que moh ehtán yamandu
endi
un rincon profundu
com'un ceru.

Eh un arquina.