A ESA EHTRELLA QUE FALTA
(En loj cieloj de Ehtremadura)
A Extremadura la falta un cachinu,
a la tierra de nuehtra Ehtremadura,
élla jue al cielu en una nochi ohcura,
naide lu ehperábamuh, jue'l destinu;
mil ehtrellaj ti aljombran el caminu,
de renglonij con letraj tu andadura,
recital de tuj versuh qu'hermosura,
mehclandu con l'humanu, lu divinu;
Dulce Chacón, tu nombri lo ehcribía
un güen poema que del cielu bajaba,
de tu obra y tuj versuh al sotro día,
bajandu del cielu cuandu clareaba,
jujticia social, que siempri pedía,
de igualdad, derechu que ella clamaba.
Quieru que cuntentina ehcoja, el que máj la guhti; y que sunría candu lea jejtuh que tamién la gujtarán aunqui solu llevin rima y no llevin metru o media:
De Ehtremadura una ehtrella,
subió al cielu a recital puesía,
y allina se quearun con ella,
!jera tan grandi la su valía!;
y Ehtremadura lloraba en aquella,
jora que Dulci Chacón moría,
lejuj de su cuna, de su tierra bella,
de su Ehtremadura quería,
en una nochi d'inviernu, gélida y fría.
……..
