En memoría a:

SEBASTIAN CASTILLO FUENTES

Cáceres,

http://www.rass.com/sebastiancastillo/

 

Dedicada a mi nieto Libardín Palma Castillo.

El Nietu


Camino seis años
tiene la mi prenda.
Cuando endrento la casa oigas ruidos,...
mi nietu está en ella.

Cada día, al rayar la mañana
el nenín se endisperta
llamando al agüelo, que labra
un cachino huerta.

Pa mi nietu son toas las mañanas
como días de fiesta.

Cuando ayel, mu temprano, le ije
que tenía que subil a la sierra
a por dos o tres jaces de escoba,
por estal la matanza ya en puertas,
paició que se vía güelto loco
cuando vile dando volteretas.

Anda, y veti a por arreus
pa enjaezal la yegua,
y arrecoge tu sachu chiquino
y la segureja.

Yo en el quicio la puerta miraba
su hermosa fechenda:

sus pelus regüeltos;
su cara morena;
ˇmachu colombianu
con sangre regüelta
de Alta Extremadura,
caliente, con juerza!.

A pocu, me vino arrastrandu
bridas y collera;
y sabe que’s rienda, y albarda,
y hasta barriguera.

ˇCómo goza mi nenín querio
con toas estas bregas!.

ˇY qué tonta se poni la jaca
cuando él la enjaeza!.

De contino le están fastidiando
su madri y su agüela,
con icile que tenga cuidiao
si sube a la sierra;

"que se tenga cuidiau con los bichus";
"que hay muchas culebras";
"que dali y que dali";
"que toma y que venga";
y el muchachu se ríe de su madri...
ˇy hasta de su agüela!.

Endispués, jace dos carantoñas,
y too se arregla.
Sá portao com ún mozu juerte
hoy en la faena.

Ha tristao entri los jaralis;
ha rancau las escobas con juerza;
sa trancau de bellotas verdis
y ha mamau, cual di lechi mesma,
en la "bota" del vinillo añeju
que da carraspera.

Y le gusta jacerse mu hombri
sin jacer una mueca siquiera.

ˇCómo quieri el joio a su agüelo!
ˇCómo quiere el agüelo a esta pieza!.

Aginaos, llegamos a casa
montaos en la yegua;
él, cuasi dormiu;
yo, ˇjechu la puñeta!.





Sebastián Castillo Fuentes.

 

Volver